Кілт сөздер
Дәйексөзді қалай келтіруге болады
Аңдатпа
Мақала жасанды интеллектінің құқықтық реттелуіне қатысты тәсілдерді зерттеуге арналған. Қазақстандық құқықтық ғылымда жасанды интеллектінің құқықтық сипаты мен оны реттеудің басқа да мәселелері жеткілікті түрде ғылыми тұрғыда қарастырылмаған. "Жасанды интеллект" ұғымының кейбір теориялық тәсілдері және Қазақстан Республикасының "Ақпараттандыру туралы" заңында бекітілген "жасанды робот" ұғымы талданады. Мақалада қазіргі уақытта жасанды интеллектіні қолдану тиісті халықаралық құқықтық базамен жеткілікті түрде қамтамасыз етілмегені атап өтіледі. БҰҰ деңгейінде осы салаға қатысты жалпы ережелерді белгілейтін көпжақты халықаралық шарттар әлі қабылданған жоқ. Автор құқықтық қатынастарға қатысушылардың – жеке тұлғалардың, қоғамның және мемлекеттің мүдделерінің теңгерімін қамтамасыз етуге бағытталған дәйекті әрі икемді құқықтық реттеудің қажеттілігін негіздейді. Жасанды интеллектінің келтірген зияны үшін құқықтық жауапкершілікті белгілеу және жасанды интеллект жүйелерінің құқықтық тұлғалығын айқындау мәселелерін шешудің әртүрлі тәсілдері қарастырылады.