Кілт сөздер
Дәйексөзді қалай келтіруге болады
Аңдатпа
Бұл мақалада Тұрақты даму мақсаттарын жүзеге асырудағы мемлекеттік аудиттің рөлі қарастырылады. Тұрақты даму мақсаттары – Біріккен Ұлттар Ұйымы қабылдаған әлеуметтік-экономикалық даму мен қоршаған ортаны қорғау арасындағы теңгерімді қамтамасыз ететін бағдарлама. Бұл мақсаттарды орындау – кез келген елдің ұзақ мерзімді дамуының алғышарты. Мемлекеттік аудит – осы мақсаттарға жетудегі маңызды құрал, ол ресурстардың тиімді және ашық пайдаланылуын қадағалап, Тұрақты даму мақсаттарына жетуге бағытталған әрекеттердің нәтижелілігін айқындауға мүмкіндік береді. Мемлекеттік аудит нәтижесінде мемлекеттік жоспарлау жүйесінің құжаттарының тұрақты дамудың күн тәртібін жүзеге асырудағы тиімділігіне баға беруге болады. Мақалада Тұрақты даму мақсаттарының мемлекеттік аудитін қызметіне енгізген Финляндия, Түркия және Ресейдің Жоғары аудит органдарының тәжірибелері талданады. Қазақстанның Тұрақты даму мақсаттарына жету көрсеткіштері талданып, оларды жақсарту жолдары қарастырылады.